Kal kaha kisine mujhse,
Manushya hi to hai sarvashaktimaan.
Uske hone ki wajah se,
Ye dharti hai swarg samaan.
Ye dharti hai swarg samaan,
Ye dharti hai swarg samaan,
Yeh sawal kar raha ab mujhe pareshan,
Kya sachmuch hai dharti swarg samaan?
Duniya mein faila bhrashtachar hai,
Yehi bane aaj ke niyam aur achaar hain,
Sankat me hai humari aan,
kya sachmuch hai dharti swarg samaan?
Jhooth aur burai ka hai bolbala,
Netaaon aur afsoron ka hai gadbadzala,
100 me se yahan 99 hai beimaan,
Kya sachmuch hai dharti swarg samaan?
Baarud aur hathiyaar ka hai purzor vyapaar,
Tabaahi ki kagaar pe khada hai humara sansaar,
Har taraf faila hai maut ka saamaan,
Kya sachmuch dharti hai swarg samaan?
Pradushan se duniya hai bezaar,
Charo taraf sirf hai hahakaar,
Uska zimmedaar hai sirf insaan,
Kya sachmuch hai dharti swarg samaan?
Mera bhaarat mahan,
Dharmanirpekhsta humari shaan,
Lekin Kabhi Ram, toh kabhi Allah ke naam pe hai jaati kai jaan,
Kya sachmuch dharti hai swarg samaan?
Kya sachmuch dharti hai swarg samaan?
Kya sachmuch dharti hai swarg samaan?
No comments:
Post a Comment